میلانۆ-ئیتاڵیا(Gazzetta dello Sport)
یانه‌ی ئه‌یسی میلانی ئیتاڵی هه‌ردوو یاریزانی هێڵی ناوه‌ڕاستی یانه‌ی سامپادۆریا(ئه‌ندریا پۆلی و ئه‌نجیلۆ پاڵۆمبۆ)ـی کردووته‌ ئامانج و نیازی بۆند واژۆکردنی له‌گه‌ڵیاندا هه‌یه‌.
ماسیملیانۆ ئه‌لیگری ڕاهێنه‌ری ئه‌یسی میلان ئاشکرایکرد که‌پێویستی به‌یاریزانی تره‌ له‌هێڵی ناوه‌ڕاست،و دوو یاریزانی ده‌وێت بتوانن شوێنی ئه‌ندریا پیرلۆ و جینارۆ گاتوسۆ بگرنه‌وه‌.
گازێتا دێللۆ سپۆرتی نزیک له‌ ئه‌یسی میلان باوه‌ڕی وایه‌ که‌ ئه‌دریانۆ گالیانی خۆی ئاماده‌ ده‌کات به‌ پێشکه‌شکردنی بۆندێکی بڕ 15 ملیۆن یۆرۆی بۆ ئه‌ندریا پۆلی،یاریزانی به‌توانای هه‌ڵبژارده‌ی ئیتاڵیای ژێر ته‌مه‌ن 21 ساڵ که‌خاوه‌ن به‌هره‌ی تاکه‌که‌سیه‌ و شێوه‌ی یاریی دروستکه‌رێکی کلاسیکییه‌.
هه‌روه‌ها ئه‌نجیلۆ پاڵۆمبۆی کاپتنی سامپادۆریا،باوه‌ڕ ده‌کرێت که‌ سامپادۆریا ئاماده‌بێت له‌به‌رامبه‌ر 10 ملیۆن یۆرۆدا ده‌ستبه‌رداری ببێت.
به‌ڵام میلان چاوه‌ڕوان ده‌کات تاکو بزانێت که‌ئایا ئه‌و دوو یاریزانه‌ له‌گه‌ڵ سامپادۆریا له‌یارییه‌ به‌راییه‌کانی خولی پاڵه‌وانانی ئه‌وروپا بۆ گه‌یشتن به‌ قۆناغی گرووپه‌کان له‌سه‌ره‌تای مانگی داهاتوو یاریی ده‌که‌ن یان نا،چونکه‌ گه‌ر یاریی بکه‌ن ناتوانن له‌گه‌ڵ میلان له‌ چامپیۆنس لیگ یاریی بکه‌ن له‌وه‌رزی دادێ.
هه‌روه‌ها له‌کاتی شکست هێنانی گفتووگۆکان له‌گه‌ڵ سامپادۆریا،توتۆ سپۆرت ئاشکرای کرد مانوێل بڵاسی،ئه‌نتۆنیۆ کاندرێڤا و ئه‌ندریا لازاری له‌ کالیاری،و مامادۆ دیارا له‌ ڕیاڵ مه‌درید ناویان له‌لیسته‌که‌ی ئه‌لیگری ـیدا هه‌ن.




س-ياريكا

ده ست خؤش
كاكه مؤرينؤ