یڤه‌رپووڵ-ئینگلته‌را(Daily Mail)
یانه‌ی لیڤه‌رپووڵی ئینگلیزی ستیڤان دیفۆری کردووه‌ته‌ ئامانج و ده‌یه‌وێت وه‌کو جێگره‌وه‌ی خافێر ماسکێرانۆ بیباته‌ ڕیزه‌کانی ئه‌گه‌ر یاریزانه‌ ئه‌رجه‌نتینییه‌که‌ یانه‌که‌ی جێهێشت.دیفۆر که‌ له‌وه‌رزی ڕابردووه‌وه‌ له‌لایه‌ن مانچسته‌ر یونایتد و ڕاهێنه‌ره‌که‌یه‌وه‌ چاوه‌دێری ده‌کرێت و به‌نیازن په‌لێکشی ڕیزه‌کانیانی بکه‌ن،ڕۆی هۆدسۆنی ڕاهێنه‌ری لیڤه‌رپووڵ به‌یاریزانێکی شیاوی داده‌نێت و پێیوایه‌ ده‌توانێت ئه‌و بۆشاییه‌ی له‌ئه‌گه‌ری ڕۆیشتنی ماسکی جێده‌مێنێت،پڕ بکاته‌وه‌.
به‌پێی Daily Mail،ڕۆی هۆدسۆن ئاماده‌یه‌ دیفۆری یاریزانی یانه‌ی ستاندارد لیگی به‌لجیکی ببته‌ ڕیزه‌کانیه‌وه‌ و بڕی 10 ملیۆن پاوه‌ندی بۆ ئه‌و مه‌به‌سته‌ ئاماده‌کردووه‌،هه‌رچه‌ن ده‌ ڕه‌نگه‌ ڕووبه‌ڕووی ڕکابه‌رییه‌کی سه‌خت ببێته‌وه‌ له‌گه‌ڵ سێر ئه‌لێکس فێرگسۆن که‌ زۆر ئاره‌زووی بردنی ئه‌و یاریزانه‌ بۆ ڕیزه‌کانی ده‌کات.
به‌هۆی ده‌رچوونی چاوه‌ڕوانکراوی ماسکێرانۆی ئه‌رجه‌نتینی له‌یانه‌که‌،له‌ئێستاوه� � هۆدسۆن بۆ یاریزانێک ده‌گه‌ڕێت شوێنه‌که‌ی وی له‌ ڕێدز بگرێته‌وه‌.
دیفۆری ته‌مه‌ن 22 ساڵی یاریزانی هه‌ڵبژارده‌ی به‌لجیکا یاریزانێکی به‌توانا و ئاستبه‌رزه‌ و ده‌توانێت خواسته‌کانی هۆدسۆن به‌دیبهێنێت،هه‌رچه‌نده‌ دۆستایه‌تی له‌گه‌ڵ فێرگسۆنی ڕاهێنه‌ری ڕێد دێڤڵز هه‌یه‌ چونکه‌ پارساڵ کاتێک دیفۆر تووشی پێکان هات و پێی شکا،فێرگسۆن به‌نامه‌ هیوای چاکبوونه‌وه‌ی بۆ خواست و ئه‌وه‌مان له‌کاتی خۆی له‌ یاریگا بڵاوکرده‌وه‌.
ماسکێرانۆ زۆر له‌یانه‌که‌ی ده‌کات که‌ڕێی بده‌ن له‌ ئه‌نفێڵد بڕوات،به‌ڵام هۆدسۆن ناهێڵێت بچێت بۆلای ڕافائێل بینیتێزی ڕاهێنه‌ری پێشووی ئه‌گه‌ر که‌متر له‌ 25 ملیۆن پاوه‌ندی له‌به‌رامبه‌ردا دانه‌نێن.
ئه‌گه‌ر له‌هێنانی دیفۆر بۆ لیڤه‌رپووڵ سه‌رکه‌وتوو نه‌بوو،هۆدسۆن دوو یاریزانی دیکه‌ی کردووه‌ته‌ ئامانج که‌ ستیلیان پیترۆڤی یاریزانی ئه‌ستۆن ڤێلا و کریستیان بۆڵسنی یاریزانی یۆڤانتۆسن.
له‌و ڤیدیۆیه‌ی خواره‌وه‌ ئاست و جوڵه‌ هونه‌رییه‌کانی ستیڤان دیفۆر له‌یاریی یانه‌که‌ی به‌رامبه‌ر زوڵتێ-وارێگێم که‌ 1-1 بوو،ببینه‌.






س-ياريكا

ده ستت خؤش بيت
‏ كاكه مؤرينؤ